No IES MARQUÉS DE
SARGADELOS DE SAN CIBRAO
desenvolveranse varias actividades durante este mes de
novembro.
1.-Día
22. “ Foto a cegas ”, unha actividade que pretende sensibilizar ao alumnado sobre a necesidade de integrar
ás persoas invidentes na nosa sociedade a través da cultura e a arte rompendo
barreiras e estereotipos. Un grupo de algo máis de 15 persoas cegas estarán co
alumnado na biblioteca do centro para contarlles a súa experiencia de creación
e análise da arte a partir de experiencias sensitivas innovadoras.
Titorizados
por fotógrafos expertos e persoal da rede museística, compartiron o resultado
da súa destreza coa cámara fotográfica como unha chamada a romper con barreiras
e estereotipos. O resultado é unha colección de alto contido audiovisual e
instantáneas lexibles ao tacto acollida polo Museo Provincial de Lugo.
As
dificultades dunha traballadora invidente da Rede Museística da Deputación de
Lugo durante a súa adaptación ao posto, Ángeles Miguélez, foi o xerme deste
proxecto social que naceu en 2012 e que pretende conseguir que os participantes
nesta iniciativa entendan o símil entre o funcionamento dunha cámara
fotográfica e o mecanismo propio do cerebro ao captar unha imaxe.
Que
a fotografía xorde na cabeza e por iso é posible crear imaxe con significado
alén da simple perceptción ocular é, en definitiva, a mensaxe desta orixinal
proposta con berce en Lugo. Así nolo explica a comisaria da mostra e xerente da
rede museística, Encarnación Lago.
Chegaron
a catorce o número de invidentes beneficiarios deste proxecto que aplica
técnicas táctiles a través das que, unha experta interpreta as fotografías dos
participantes no obradoiro para dotalas de textura e que, outros
invidentes tamén poidan percibilas.
Texto, imaxe e son conflúen para darlle vida a un universo de creatividade. A
exposición "Fotografía a cegas" pretende eliminar barreiras e
conseguir que os museos sexan para todos.
O
alumnado do IES MARQUÉS DE SARGADELOS DE SAN CIBRAO. CERVO terá a oportunidade
de encontrarse co grupo de persoas invidentes participantes neste proxecto para
compartir esta experiencia e intercambiar pareceres e saberes sobre o mesmo.
Será o día 22 de novembro entre as 11.30 e 13 h. na biblioteca do centro.
2.-Día
23, de 10.50 a 12.15. Charla sobre educación vial que ten como finalidade fomentar hábitos responsables na condución de
bicicletas e ciclomotores, así como coñecer normas básicas do código de
circulación. Preténdese tamén evitar o consumo de substancias nocivas para unha
boa condución e para a saúde mental. Será na biblioteca do centro e vai
dirixida a alumnado de 1º e 2º de ESO.
3.-Día Internacional contra a Violencia de Xénero.
Encontro na biblioteca do centro, o día 23 de novembro entre as 13.40 e 14.30
con Marta Engroba, presidenta da asociación lucense de defensa de mulleres mal
tratadas “Hai saída”. Será na biblioteca do centro e ten como finalidade levar a cabo
unha campaña de sensibilización social e educativa sobre esta problemática que
afecta á nosa sociedade. Virá acompañada dun axente de policía da comisaría de
Viveiro coñecedor desta problemática. Para alumnado de 4º ESO e 1º Bacharelato.
4.-O día 27 de novembro, entre as 12.45 e 13.45, alumnos e
alumnas do IES Marqués de Sargadelos interpretarán no auditorio da Casa da
Cultura de San Cibrao a obra de Carlos Casares “As laranxas máis laranxas de
todas as laranxas”, dirixida aos nenos e nenas do colexio da localidade.
5.-“Semana da froita na ESO”. A partir do día
21 de novembro, nos recreos repartiremos froita entre o alumnado, realizarase
cada segundo día durante dez días. Repetirase este reparto no mes de maio.
Trátase de fomentar o consumo de froita entre o alumnado; unha iniciativa que
se leva a cabo en colaboración co Fondo Galego de Garantía Agraria e a empresa
Froitas Morriña.